Arestio pumed dyn yn dilyn ffrwydrad car dinas Derry

 
Gwasanaeth Heddlu Gogledd Iwerddon

Gwasanaeth Heddlu Gogledd Iwerddon

Llun: Dickelbers trwy Comin Wicimedia

Mae pumed dyn wedi cael ei arestio gan yr heddlu sy’n ymchwilio i fom a ffrwydrodd mewn car tu allan i lys yn ninas Derry, Gogledd Iwerddon.

Cafodd y dyn 50 oed ei gadw yn y ddalfa o dan y Ddeddf Frawychiaeth.

Mae’r pedwar dyn arall gafodd eu harestio ddoe (Dydd Sul, Ionawr 20) yn parhau i fod yn y ddalfa heddiw (Dydd Llun, Ionawr 21).

Grŵp gweriniaethol sy’n cael ei feio am y ffrwydrad yn y ddinas.

Roedd y dyn diweddaraf i gael ei arestio mewn cysylltiad â’r bomio wedi cael ei arestio gan yr heddlu ddydd Mawrth diwethaf (Ionawr 15), ble cafodd ei holi am ei ran mewn lladrad arfog yn y ddinas.

Yn y cyfamser mae’r heddlu’n ymchwilio ar ôl i ddau gerbyd gael eu dwyn yn ardal Creggan yn Derry heddiw (dydd Llun, Ionawr 21).

Yn y digwyddiad cyntaf, roedd adroddiadau bod dynion wedi dwyn fan Transit cyn taflu gwrthrych yn y cefn a ffoi.

Ychydig yn ddiweddarach, derbyniodd yr heddlu alwad ar ôl i bedwar dyn yn gwisgo mygydau – ac un gyda gwn – ddwyn car arall.

Yn ôl yr heddlu, cafodd y ddau wnaeth ddwyn y fan eu gorchymyn i yrru’r cerbyd i safle arbennig a’i adael yno.

Mae’r ddau ddigwyddiad wedi arwain at rybuddion diogelwch sylweddol, gyda thrigolion cyfagos yn gorfod gadael eu cartrefi ac arbenigwyr bomiau’r Fyddin yn cael eu galw.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer