Beirniadu ymateb yr heddlu i helynt y Tywysog Philip

Diweddarwyd  
Sandringham

Sandringham

Llun: Elwyn Thomas Roddick trwy Wikimedia Commons

Mae ymgyrchwyr yn dweud bod Dug Caeredin, y Tywysog Philip wedi cael “triniaeth arbennig” wrth i’r heddlu ymchwilio i ddau ddigwyddiad dros y dyddiau diwethaf.

Ddeuddydd ar ôl i’r dyn 97 oed fod mewn gwrthdrawiad â cherbyd arall ger Sandringham yn Norfolk, cafodd ei weld yn ei Land Rover newydd sbon yn gyrru heb wisgo gwregys.

Daeth cadarnhad gan yr heddlu eu bod nhw wedi ei “gynghori” yn dilyn y digwyddiad diweddaraf.

Ymateb gweriniaethwyr

Yn ôl mudiad Republic, mae Heddlu Norfolk wedi ei drin e’n wahanol, “nid oherwydd ei oedran, ond oherwydd ei staws”.

“Gallai dwy ddynes a phlentyn fod wedi colli eu bywydau yr wythnos hon, maen nhw’n ffodus o fod wedi cerdded i ffwrdd ag anafiadau cymharol fan. Ond fydd y Tywysog Philip ddim yn wynebu’r canlyniadau.

“Yn syml iawn, fyddai hyn ddim yn digwydd pe bai unrhyw un arall wrth y llyw, waeth bynnag am eu hoedran.

“Felly mae’n rhaid herio’r heddlu ynghylch eu trugaredd tuag at y teulu brenhinol.”

Digwyddiadau’r gorffennol

Mae’r mudiad hefyd yn tynnu sylw at nifer o ddigwyddiadau yn y gorffennol yn ymwneud â’r teulu brenhinol.

Maen nhw’n honni bod Heddlu Dyffryn Tafwys wedi anwybyddu “difrod i eiddo” pan yrrodd y Tywysog Andrew i mewn i giatiau yn Windsor.

Maen nhw’n dweud bod gan yr heddlu “yr un difaterwch” y tro hwn wrth ymdrin â’i dad.

“Rydym wedi dod i ddisgwyl y difaterwch amlwg o du’r teulu brenhinol, ond mae gan yr heddlu ddyletswydd i warchod y gymuned gyfan heb ragfarn,” meddai’r datganiad.

“Rhaid i bob heddlu drin pawb yn gyfartal, ac mae rhoi amser hawdd i rywun oherwydd ei gysylltiadau teuluol yn warthus.

“Byddaf yn ysgrifennu at yr awdurdodau priodol, gan gynnwys yr Ysgrifennydd Cartref, i godi’r mater hwn ac i wthio’r heddlu i feddwl eto ynghylch eu hagwedd at y teulu brenhinol.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer