Dim gwregys: yr heddlu’n “cynghori” y Tywysog Philip

Diweddarwyd am  
Dug Caeredin

Dug Caeredin, y Tywysog Philip

Llun: Flickr

Mae Dug Caeredin, y Tywysog Philip wedi cael ei “gynghori” gan yr heddlu ar ôl i luniau ymddangos ohono wrth y llyw heb wregys.

Daw’r newyddion ddeuddydd ar ôl i’w Land Rover daro yn erbyn cerbyd arall ger Sandringham yn Norfolk.

Roedd dwy ddynes a babi yn y car arall ac yn groes i adroddiadau, maen nhw’n dweud nad ydyn nhw wedi derbyn ymddiheuriad gan y dyn 97 oed, oedd wedi gorfod cael prawf llygaid gan yr heddlu ar ymyl y ffordd.

Mae dynes 45 oed oedd yn teithio yn y car arall wedi torri ei garddwrn, a chafodd y ddynes oedd yn gyrru friwiau ar ei phen-glin.

Roedd bachgen bach naw mis oed yn y car hefyd, ond doedd e ddim wedi cael ei anafu.

Mae’r ddynes oedd yn gyrru yn dweud nad yw hi’n hapus ag ymateb Palas Buckingham na’r heddlu.

Ymateb yr heddlu

Mae llefarydd ar ran Heddlu Norfolk yn dweud eu bod nhw’n ymwybodol o’r lluniau o Ddug Caeredin heb wregys, a’i fod e wedi “derbyn gair i gall”, sydd “yn unol â’n hymateb safonol”.

Dydy Palas Buckingham ddim wedi gwneud sylw am y lluniau.

Yn dilyn y gwrthdrawiad ddydd Iau, derbyniodd Dug Caeredin Freelander newydd sbon y diwrnod canlynol.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed