Ymchwiliad Alex Salmond: Nicola Sturgeon am ei chyfeirio’i hun

Diweddarwyd am  
Alex Salmond a Nicola Sturgeon gyda dogfennau lansio'r 'Sgwrs Genedlaethol'

Alex Salmond a Nicola Sturgeon yn 2007

Llun: Llywodraeth yr Alban CCA2.0

Mae Nicola Sturgeon yn bwriadu ei chyfeirio’i hun at banel o ymgynghorwyr annibynnol ar y Côd Gweinidogol yn dilyn cyfres o gyfarfodydd â’i rhagflaenydd, Alex Salmond.

Dywed fod y ddau wedi cyfarfod dair gwaith, ac wedi siarad dros y ffôn ddwywaith, yn dilyn honiadau gan ddwy ddynes fis Ionawr y llynedd o gamymddwyn rhywiol yn erbyn Alex Salmond.

Ddydd Mawrth, dywedodd llys sifil ucha’r Alban fod ymdriniaeth Llywodraeth yr Alban o’r honiadau yn anghyfreithlon.

Mae Nicola Sturgeon yn dweud bod rhaid i ymchwiliad yr heddlu allu parhau “heb ragfarn”, a’i bod hi wedi penderfynu cyfeirio’i hun at ymgynghorwyr annibynnol er mwyn sicrhau y gall hynny ddigwydd.

“Mae cwestiynau wedi codi ynghylch fy nghyfarfodydd a sgyrsiau ffôn gydag Alex Salmond yn ystod ymchwiliad y Llywodraeth i’r cwynion a gafodd eu gwneud.

“Dw i wedi ymddwyn yn briodol ac mewn ffydd da drwyddi draw, ac yn unol â’r Côd Gweinidogol bob amser.

“Fodd bynnag, dw i wedi ystyried yn ofalus ac yn deall ei bod hefyd yn bwysig i’r Senedd a’r cyhoedd ehangach fod yn sicr o hynny.”

‘Siambls’

Roedd pwysau ar Nicola Sturgeon i gymryd y cam hwn, wrth i Jackson Carlaw, dirprwy arweinydd Ceidwadwyr yr Alban, ddweud yn ystod Sesiwn Holi’r Prif Weinidog ddydd Mawrth fod y sefyllfa’n “siambls”.

Does dim modd anwybyddu’r cwynion yn erbyn Alex Salmond, meddai Nicola Sturgeon.

“Y ffaith o hyd yw fod dwy ddynes wrth galon y mater hwn nad oedd modd rhoi eu cwynion o’r neilltu,” meddai.

Dywedodd y byddai sylw pellach ganddi hi, y llywodraeth neu Alex Salmond a’i gynrychiolwyr yn “tynnu oddi wrth, ac yn niweidio, ystyriaeth briodol gan yr heddlu o destun eu hymchwiliad”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones