Disgwyl i 5,000 o swyddi gael eu torri gan Jaguar Land Rover

 

Llun: CC0

Mae disgwyl i Jaguar Land Rover gyhoeddi eu bod nhw am dorri 5,000 o swyddi yng ngwledydd Prydain.

Mae’r cwmni ceir moethus yn cyflogi 44,000 o weithwyr yn y Deyrnas Unedig mewn safleoedd yn Mersyside, Solihull, Castle Bromwich a Wolverhampton.

Yn ôl adroddiadau, mae disgwyl i ran o’r 5,000 o swydd sydd am fynd fod yn swyddi rheoli, marchnata a gweinyddol.

Roedd yna adroddiadau y llynedd y gallai miloedd o swyddi gael eu torri yn rhan o gynllun arbed costau gwerth £2.5bn.

Roedd hynny oherwydd cwymp yng ngwerthiant ceir yn Tsieina a’r diffyg angen am geir disel, er na chafodd unrhyw ffigyrau eu cadarnhau ar y pryd.

Mae’r cwmni, sy’n eiddo i’r cwmni o India, Tata, eisoes wedi cael gwared ar 1,000 o weithwyr contract dros dro yn eu safle yn Solihull yn 2017.

Mae disgwyl i’r cyhoeddiad heddiw (dydd Iau, Ionawr 10) gynnwys manylion am werthiant yn ystod 2018, gweledigaeth y cwmni ar gyfer y flwyddyn sydd i ddod, a diweddariad ar arbed arian a buddsoddiad mewn safleoedd yng ngwledydd Prydain.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed