Arolwg: 57% o Geidwadwyr yn cefnogi Brexit heb gytundeb

 
Baner Jac yr Undeb gyda'r gair Brexit drosti

Llun: CC0

Mae dros hanner aelodau’r Blaid Geidwadol ar lawr gwlad yn ffafrio Brexit heb gytundeb tros gynlluniau eu harweinydd, yn ôl arolwg.

Mae 57% yn credu bod gadael yr Undeb Ewropeaidd heb ddêl yn well na chynllun Brexit Theresa May, Prif Weinidog y Deyrnas Unedig.

Ac yn ôl yr arolwg, a gafodd ei ariannu gan y Cyngor Ymchwil Economaidd a Chymdeithasol, dim ond 29% byddai’n dewis ei chytundeb hi mewn refferendwm â dau opsiwn – Brexit gyda chytundeb, neu heb gytundeb.

Yn sgil cyhoeddiad y ffigurau diweddaraf yma, mae’r Athro Tim Bale, yn dweud bod Theresa May yn debygol o gael ei “siomi” â’r diffyg cefnogaeth wrth ddychwelyd i San Steffan.

“Amharod”

“Mae’n ymddangos bod yr aelodau yn amharod i gyfaddawdu,” meddai’r Athro. “Yn ogystal, mae’r aelodau ar lawr gwlad i weld wedi’u darbwyllo bod Brexit heb gytundeb yn opsiwn gwell.

“… Mae aelodau’r Blaid Geidwadol… wedi llwyr wrthod yr honiad y bydd Brexit heb gytundeb yn achosi trafferthion mawr.”

Byddai 76% o Aelodau’r Blaid Geidwadol yn dewis pleidleisio tros Brexit heb gytundeb petai yna refferendwm â dau ddewis – Brexit heb gytundeb, neu aros yn yr Undeb Ewropeaidd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones