Rhagor o ffoaduriaid yn ceisio croesi’r sianel

Diweddarwyd am  

Llun: CC0

Mae dau gwch bach yn cludo 12 o ddynion o Syria ac Iran wedi cael eu dal yn y sianel rhwng Lloegr a Ffrainc.

Cafodd y dynion eu trosglwyddo i swyddogion mewnfudo yn Dover i gael eu holi.

Mae’n dilyn sawl ymgais gan ffoaduriaid i groesi’r Sianel dros gyfnod y Nadolig.

Cafodd cwch bach, yn cludo un Syriad a thri o Iran, ei riportio i wylwyr y glannau tua 3yb, a chafodd ail gwch, yn cludo wyth o Iraniaid ei weld tua 9yb.

Ddydd Nadolig ceisiodd mwy na 40 o ffoaduriaid groesi’r môr a dod i mewn i wledydd Prydain.

‘Pryder mawr’

Dywed y Gweinidog Mewnfudo, Caroline Noakes, fod y nifer o ffoaduriaid sy’n croesi’r Sianel yn peri “pryder mawr”.

“Mae rhywfaint o hyn, yn amlwg, yn cael ei achosi gan grwpiau o droseddwyr tra bod eraill yn ymddangos yn oportiwnistig,” meddai.

“Mae ceisio croesi’r Sianel fel hyn yn hynod o beryglus ac maen nhw’n rhoi bywydau mewn peryg.

“Mae heddluoedd ym Mhrydain a Ffrainc yn gweithio 24 awr y dydd i’w rhwystro, diogelu bywydau ac erlyn troseddwyr.

“Ar yr un pryd, mae tasglu mewnfudo’r Deyrnas Unedig yn gweithio trwy fynd i lygad y ffynnon i rwystro smyglo pobol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer