Elusen yn tynnu sylw at ddigartrefedd adeg y Nadolig

Diweddarwyd am  

Llun parth cyhoeddus

Bydd miloedd o bobol ifanc yn ddigartref – neu’n wynebu’r risg o fod yn ddigartref – yn ystod yr wythnosau hyd at y Nadolig, yn ôl elusen.

Mae Centrepoint yn dweud bod 18,000 o bobol 16-25 oed yn y Deyrnas Unedig yn byw ar y strydoedd – neu’n wynebu’r risg o hynny – ac maen nhw’n gobeithio tynnu sylw at y mater.

Fel rhan o’u hymgyrch i godi ymwybyddiaeth maen nhw wedi enwi Tachwedd 30 yn ‘Ddydd Gwener Llwm’ – addasiad o ‘Dydd Gwener Du’.

“Cyfnod llwm”

“I lawer o bobol mae’r Nadolig yn gyfle i wario arian a bargeinion ‘Dydd Gwener Du’,” meddai Prif Weithredwr Centrepoint.

“Ond i bobol ifanc digartref mae’n medru bod yn gyfnod llwm, ofnus a pheryglus. Tra bod llawer o ohonom yng nghwmni teuluoedd a ffrindiau, mae’n hawdd anghofio am bobol lai ffodus.

“Â phroblem ddigartrefedd ieuenctid yn tyfu, mae angen help arnom nawr yn fwy nag erioed o’r blaen er mwyn amddiffyn pobol ifanc fregus a’u helpu i gael blwyddyn newydd llai llwm.”

Ystadegau

Mae ymchwil yr elusen yn dangos bod:

  • 93% o bobol sydd wedi cysgu ar y strydoedd yn teimlo nad oes unrhyw un yn poeni amdanyn nhw
  • 26% bobol sydd wedi cysgu ar y strydoedd wedi aros â pherson dieithr gan nad oes ganddyn nhw opsiwn arall
  • 26% o bobol ifanc digartref yn cysgu ar soffas ac yn symud o gartref i gartref
  • 68% o bobol ifanc digartref yn aros dros dro â ffrindiau neu eu teuluoedd er mwyn osgoi sefyllfaoedd annymunol

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones