Liam Fox yn ceisio ennyn cefnogaeth i’r cytundeb Brexit

 
Liam Fox o flaen rhan o fap o'r byd

Liam Fox

Llun: Chatham House CCA2.0

Mae disgwyl i Liam Fox feirniadu Ceidwadwyr sy’n gwrthwynebu cytundeb Brexit Theresa May, gan eu cyhuddo o beidio wynebu’r ffaith bod yn rhaid iddi wneud penderfyniadau anodd.

Fe fydd yr Ysgrifennydd Masnach Ryngwladol yn ymweld â Bryste heddiw wrth iddo geisio ennyn cefnogaeth i’r cytundeb cyn y bleidlais ar 11 Rhagfyr. Mae disgwyl iddo gydnabod na fydd y cytundeb a wnaed ym Mrwsel yn plesio pawb ond ei fod yn darparu “seilwaith cadarn” er mwyn gadael yr Undeb Ewropeaidd.

Daw hyn ar ôl i Theresa May annog Aelodau Seneddol i gefnogi ei chynllun Brexit er mwyn osgoi “rhaniadau ac ansicrwydd”.

Daeth sylwadau’r Prif Weinidog wrth iddi ymweld ag uwchgynhadledd y G20 yn Buenos Aires lle mae disgwyl iddi gwrdd â Donald Trump a Vladimir Putin.

Yn ôl adroddiadau, mae 100 o ASau Ceidwadol bellach yn bwriadu gwrthwynebu ei chytundeb i adael yr Undeb Ewropeaidd, gan olygu ei fod mewn perygl o gael ei wrthod.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer