Elinor Jones ar natur “hynaws” Charles a’i elusennau

Diweddarwyd  

Elinor Jones yn ei chyfnod yn Uchel Siryf Dyfed

Llun: Yr Eglwys yng Nghymru

Mae darlledwraig, ymgyrchydd iaith a chyn-Uwch Siryf Dyfed yn dweud mai trwy annog pobol ifanc i sefydlu eu busnesau eu hunain, y mae Tywysog Cymru wedi gadael ei farc ar Gymru.

A’r Tywysog Charles yn gyfrifol am sefydlu Ymddiriedolaeth y Tywysog (Prince’s Trust) ac o fod yn noddwr ac yn gefnogwr i nifer o sefydliadau eraill, mae wedi bod o help i gynnal cymunedau hefyd, yn ôl Elinor Jones.

Yn Myddfai yn Sir Gaerfyrddin y mae ei gartref swyddogol yng Nghymru – fferm Llwynywermod – ac yn yr ardal honno y daeth Elinor Jones i ymwneud ag ef gyntaf, a hithau’n Uwch Siryf yn 2014-15.

“Dw i wedi cyfarfod Charles lot o weithie’, a ma’ fe wastad yn mynd i siarad â phobol mae’n teimlo mae’n bwysig siarad â nhw”, meddai Elinor Jones wrth golwg360, a hithau’n ddiwrnod pen-blwydd y tywysog yn 70 oed (dydd Mercher, Tachwedd 14).

“Os yw rhywun wedi dechrau busnes, wedi codi arian, neu wedi cyfrannu i’r gymuned mewn rhyw ffordd, mae’r tywysog wastad yn mynd yn syth atyn nhw. ae’n ddyn hynaws iawn, yn barod i siarad â phobol ac eisiau gwneud gwahaniaeth.

“Mae e wirioneddol yn ddyn cynnes ac yn gweld pwysigrwydd mewn pobol.”

Elusennau

Sefydlodd y Tywysog Charles elusen Prime Cymru yn 2001 mewn ymateb i nifer o achosion o bobol hŷn yn cael trafferth dod o hyd i waith.

“Mae’n elusen sy’n rhoi cyfle bobol dros 50 oed mynd ar ben ffordd i gael gwaith, i ddechrau busnesau, ac mae Charles yn credu yn gryf ynddo,” meddai Elinor Jones wedyn.

“Mae pobol ifanc yn cael y cyfleoedd hyn yn aml, ond mae hwn yn gyfle i’r to henach. Mae hi yno i dangos bod yna help ar gael i bobol hŷn, ac mae hynny yn agos at galon Charles.”

Ar y pegwn arall, mae Ymddiriedolaeth y Tywysog hefyd yn rhoi cymorth i bobol rhwng 11 a 30 oed i drawsnewid eu bywydau. Mae’n cynnig grantiau bach i gefnogi prosiectau cymunedol llawr gwlad. Ers ei sefydlu yn 1976, mae dros 870,000 o bobol ifanc ledled gwledydd Prydain wedi cael cefnogaeth.

“Dyn y bobol yw Charles, sydd wastad eisiau gwneud gwahaniaeth,” meddai Elinor Jones, “ac mae’n gwneud hynny trwy lawer iawn o’i elusennau.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed