Pobol gydag anableddau dysgu yn marw’n gynt

Diweddarwyd am  

Llun CC0 trwy www.pixabay.com

Mae pobol sydd gydag anableddau dysgu yn marw 15 i 20 mlynedd yn gynt na’r boblogaeth gyffredinol, yn ôl adroddiad newydd.

Golygai fod 1,200 o farwolaethau cynnar bob blwyddyn.

Mae’n “syfrdanol” nad yw anableddau dysgu yn cael eu hadnabod ymhlith dau ym mhob pump o bobol, sef 40%, pan maen nhw’n blant, meddai’r Sefydliad Cydraddoldeb Iechyd (IHE) ym Mhrifysgol Coleg Llundain (UCL).

Mae risg ychwanegol y gallai plant ag anableddau dysgu fod yn dioddef problemau iechyd meddwl, gan gynnwys iselder, meddai’r adroddiad, gyda hanner y risg cynyddol yn deillio o dlodi, tai gwael, gwahaniaethu a bwlio.

Y Llywodraeth wedi methu

 Dywedodd awduron yr adroddiad bod pwyslais y Llywodraeth ar “degwch” a mynd i’r afael a “chymdeithas ranedig” wedi methu miloedd o blant gydag anableddau.

Maen nhw’n galw ar y Llywodraeth i ganolbwyntio ar faterion fel gwella tlodi, tai gwael, gwahaniaethu a bwlio yn benodol.

Ochr yn ochr â hyn, maen nhw eisiau gwella profiadau bywyd cynnar, a rhoi rhagor o gefnogaeth i rieni er mwyn lleihau heriau ymddygiadol.

“Canlyniad uniongyrchol o ddewis Gwleidyddol”

 “Mae hyn yn ganlyniad uniongyrchol o ddewis gwleidyddol sy’n golygu bod y grŵp bregus hwn yn profi’r gwaethaf mewn cymdeithas,” meddai cyfarwyddwr y Sefydliad Cydraddoldeb Iechyd, Syr Michael Marmot.

Mae’n cyfeirio at “incwm isel, dim gwaith, tai gwael, unigedd cymdeithasol ac unigrwydd, bwlio a cham drin” fel y prif resymau.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn