Beirniadu’r BBC am roi llwyfan i Arron Banks

 
Baner Jac yr Undeb gyda'r gair Brexit drosti

Llun: CC0

Mae’r BBC wedi cael ei feirniadu am roi llwyfan ar un o’u prif raglenni materion cyfoes i un o gefnogwyr mwyaf dadleuol Brexit sy’n destun ymchwiliad troseddol.

Mae’r biliwnydd Arron Banks yn wynebu ymchwiliad gan yr Asiantaeth Troseddu Cenedlaethol, ar ôl i’r Comisiwn Etholiadol ddweud fod sail resymol o gredu nad ef oedd ‘gwir ffynhonnell’ £8 miliwn o gyfraniad i ymgyrch Leave.EU.

Mewn llythyr at y BBC, dywed Andrew Adonis, un o arglwyddi’r Blaid Lafur ac ymgyrchydd blaenllaw yn erbyn Brexit, fod y gwahoddiad i Arron Banks ymddangos ar raglen Andrew Marr fore yfory “yn gamgymeriad golygyddol difrifol iawn”.

Dywedodd fod hyn yn arwydd o’r “diwylliant o blygu glin i Brexiteers eithafol sydd bellach yn rhan annatod o’r BBC.”

Mae Caroline Lucas a Molly Scott Cato o’r Blaid Werdd hefyd wedi beirniadu’r BBC am ganiatáu i Arron Banks “ledaenu gau-wybodaeth”.

Mae’r Comisiwn Etholiadol yn amau Arron Banks o guddio tarddiad arian a gyfrannodd at Leave.EU a bod yr arian wedi ei gyfrannu’n anghyfreithlon trwy gwmni ar Ynys Manaw.

Mewn ymateb, dywedodd y BBC mewn datganiad fod cyfweliad ag Arron Banks o fudd i’r cyhoedd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones