Dros 300 o aelodau staff y BBC wedi cael codiad ar ôl cwestiynu eu cyflog

 
Tu allan i bencadlys y BBC yn White City

BBC yn Llundain

Llun: Chmee2 CC SA 3.0 trwy Commons Wikimedia

Mae mwy na 300 o staff o fewn y BBC – yn ddynion a merched – wedi cael codiad yn eu cyflog yn ystod y flwyddyn ddiwethaf ar ôl iddyn nhw godi cwestiynau ynghylch yr hyn maen nhw’n eu hennill.

Yn ôl gwybodaeth sydd wedi dod i law papur newydd The Times, mae’r BBC wedi derbyn 1,047 o ymholiadau ynglŷn â chyflog gweithwyr ers mis Gorffennaf 2017.

Yn ystod y mis hwnnw y cafodd ffigyrau eu cyhoeddi gan y BBC a oedd yn nodi pa unigolion sy’n ennill y cyflog uchaf o fewn y gorfforaeth. Arweiniodd hyn at ffrae fawr gan fod rhai merched yn ennill llai na dynion â’r un swydd.

O’r holl ymholiadau sydd wedi’u gwneud ers hynny, mae 316 o bobol wedi derbyn codiad cyflog, tra bo 144 yn dal i aros am ddatrysiad.

“Dros y ddwy flynedd ddiwethaf, rydym wedi bod yn adnewyddu telerau ac amodau staff, ac wedi annog pobol i wneud ymholiadau ynghylch eu cyflogau,” meddai llefarydd ar ran y BBC.

“Fel yr ydym wedi dweud o’r blaen, mewn rhai achosion mae hyn wedi ein galluogi i wneud newidiadau ar gyfer dynion a merched.”

Mae’r BBC eisoes wedi dweud bod cyflogau rhai unigolion gwrywaidd wedi cael eu lleihau, gan gynnwys cyflogau’r ddau ddarlledwr o Gymru, John Humphrys a Huw Edwards.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed