Rhybudd i Morrisons am fethu â diogelu data sensitif am staff

Diweddarwyd  

Fe allai cwmni archfarchnad Morrisons fod yn wynebu gorfod talu iawndal “helaeth” oherwydd iddo ‘golli’ gwybodaeth gyfrinachol am ei staff.

Er nad yw’r cwmni’n cael ei gyhuddo o fod yn euog o drosedd, mae’n cael ei ystyried yn flêr.

Dywedodd cyfreithiwr y cwmni wrth y Llys Apêl ei fod yn herio’r dyfarniad wedi iddi ddod i’r amlwg fod “un gweithiwr twyllodrus” yn gyfrifol am rannu gwybodaeth sensitif am weithwyr eraill ar-lein.

Ond, fe gafodd y cwmni rybudd, pe bai barnwyr yr apêl yn cefnogi’r dyfarniad cyntaf, y byddai’n “agored i geisiadau iawndal ar raddfa helaeth”.

Ym mis Gorffennaf 2015, ef gafwyd Andrew Skelton yn euog o dwyll yn Llys y Goron Bradford, wedi iddo gael mynediad heb awdurdod i ddeunydd cyfrifiadurol a datgelu data personol am weithwyr Morrisons. Fe gafodd ei ddedfrydu i wyth mlynedd o garchar.

Mae grŵp o 5,518 o gyn-weithwyr a gweithwyr presennol yn ceisio iawndal am y gofid a achoswyd.

Ond mae Morrisons yn dadlau na ellir dal y cwmni’n gyfrifol nac yn atebol am y camddefnydd o’r wybodaeth am gefndir troseddol yr unigolion.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed