Rhifyn olaf Bodyguard yn denu 11m o wylwyr

Diweddarwyd am  
Richard Madden, un o brif actorion cyfres ddrama'r BBC, The Bodyguard.

Richard Madden, un o brif actorion cyfres ddrama’r BBC, The Bodyguard.

Llun Gage Skidmore trwy Wikimedia Commons (CCAA 2.0)

Fe wnaeth rifyn olaf y gyfres ddrama, Bodyguard, ddenu 11 miliwn o wylwyr neithiwr (dydd Sul, Medi 23), gyda’r rhaglen yn un o’r rhai mwyaf poblogaidd ar y BBC ers degawd.

Mae’r gyfres yn cael ei chyfrif yr un mor llwyddiannus â Downtown Abbey, a gafodd ei darlledu am y tro cyntaf yn 2011 ac a ddenodd 10.6m o wylwyr ar un adeg.

Fe ddenodd y rhifyn olaf o Bodyguard 10.4m o wylwyr ar gyfartaledd, gan gyrraedd yr uchafbwynt o 11m cyn ei diwedd – sy’n cyfrif am 47.9% o gyfran y gwylwyr.

Y rhaglen, sy’n cynnwys yr actorion Richard Madden a Keeley Hawes, yw’r un fwyaf poblogaidd ar y BBC ers rhifyn y Nadolig o Doctor Who yn 2008, a ddenodd 11.7m o wylwyr.

Ar wahân i gystadleuaeth Cwpan y Byd, mae Bodyguard hefyd wedi llwyddo i ddod yn rhaglen fwyaf poblogaidd y flwyddyn.

Er bod y gyfres ar ei hyd wedi derbyn adolygiadau cymysg yn y papurau newydd, mae bron pob adolygwr yn gytûn ei fod yn rhaglen sy’n werth ei gwylio.

Mae awdur y gyfres, Jed Mercurio, hefyd wedi awgrymu y bydd yna ail gyfres, a hynny ar ôl iddo ddiolch am y “derbyniad ffantastig” y mae’r rhaglen wedi’i derbyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed