Vince Cable yn wfftio’r galwadau ar iddo ymddiswyddo

Diweddarwyd am  
Syr Vince Cable

Syr Vince Cable

Llun: parliament.uk

Mae Vince Cable wedi pwysleisio unwaith eto na fydd yn rhoi’r gorau i arweinyddiaeth y Democratiaid Rhyddfrydol am y tro.

Mae wedi wfftio awgrym un o’i ragflaenwyr, yr Arglwydd Menzies Campbell ei fod yn “rhedeg allan o heol”.

Dywedodd yr arweinydd eisoes ei fod yn barod i arwain y blaid tan ar ôl i sefyllfa Brexit gael ei datrys, ac y gallai fod yn ei swydd tan ar ôl yr etholiadau lleol fis Mai nesaf.

Ond yn ôl Menzies Campbell, gall Vince Cable “weld diwedd yr heol”.

Ymateb yr arweinydd

Wrth siarad ar raglen Andrew Marr y BBC, dywedodd Vince Cable, “Dw i ddim yn rhedeg allan o heol, mae yna heol hir o’n blaenau.”

Daeth ei sylwadau ar ôl i Menzies Campbell ei ganmol am “roi o’i orau” yn y swydd, ac am “ddod â sefydlogrwydd angenrheidiol” i’r blaid.

Ond dywedodd Vince Cable fod yna “ansicrwydd” ynghylch a fyddai’n arweinydd ar ddiwedd y flwyddyn nesaf, ac na fyddai’n “gosod gorwel amser” ar ei gyfnod wrth y llyw.

“Byddai’n ffolineb gwneud hynny gyda chymaint o ansicrwydd yn hedfan o gwmpas,” meddai.

Ond fe ddywedodd ei bod yn “annhebygol” y byddai’n dal wrth y llyw erbyn yr etholiad cyffredinol nesaf yn 2022.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed