Dim anrhydeddau i’r rhai sy’n osgoi talu trethi

 
Anrhydeddau

Anrhydeddau

Llun: Wikipedia

Fydd unrhyw un sy’n osgoi talu trethi ddim yn derbyn anrhydeddau gan Frenhines Loegr, wrth i’r awdurdodau geisio atal yr hyn maen nhw’n ei alw’n “ymddygiad drwg”.

Mae Adran Gyllid a Thollau Ei Mawrhydi wedi rhoi gwybod i’r Swyddfa Gabinet am unigolion sydd ynghlwm wrth gynlluniau trethi amheus.

Yn ôl papur newydd y Times, mae’r adran yn mynnu nad yw’r fath ymddygiad “yn deilwng o dderbyn anrhydeddau”, ac maen nhw’n asesu pob achos gan benderfynu a yw’r rhai sydd wedi’u hamau wedi ymddwyn ar lefel risg isel, canolig neu uchel.

Yn ôl y canllawiau, byddai rhywun yn y categori canolig wedi bod ynghlwm wrth un neu ragor o gynlluniau osgoi talu trethi. Mae’r lefel uchaf yn cynnwys y rhai sy’n arallgyfeirio trethi i gynlluniau tramor.

Gall unrhyw un sydd wedi osgoi talu trethi dderbyn anrhydedd ar ôl tair blynedd o ddangos bod eu hymddygiad wedi gwella.

‘Polisi hirdymor’

Dywedodd llefarydd ar ran Llywodraeth Prydain, “Caiff anrhydeddau eu rhoi i wobrwyo gwasanaeth rhagorol mewn maes penodol a chaiff pob enwebiad ei asesu’n drylwyr.

“Fel mater o bolisi hirdymor, er mwyn gwarchod gonestrwydd y drefn, mae adrannau’r Llywodraeth sydd â diddordeb arbennig mewn enwebiad penodol – gan gynnwys Adran Gyllid a Thollau Ei Mawrhydi – yn derbyn gwahoddiad i fynegi eu barn yn ystod y broses hon.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019