Dirwy o £50m i’r Post Brenhinol yn dilyn cwyn gan Whistl

 

Post Brenhinol

Llun: Wicipedia

Mae’r Post Brenhinol wedi derbyn dirwy o £50m am dorri cyfraith cystadleuaeth.

Yn ôl y rheoleiddiwr, Ofcom, mi wnaeth y cwmni gymryd mantais o’u pŵer, a rhoi triniaeth anffafriol i’r unig gwmni sy’n medru cystadlu yn eu herbyn, Whistl.

Daw’r ddirwy yn sgil cwyn gan Whistl, cwmni sydd yn prynu nwyddau oddi wrth y Post Brenhinol.

Roedd y Post Brenhinol wedi newid eu cytundebau â rhai cwmnïau, gan gynnwys Whistl, yn 2014, mewn modd a oedd yn golygu bod yn rhaid iddyn nhw dalu rhagor am eu gwasanaeth.

Ond, roedd y newid yma ond yn effeithio cwmnïau a oedd yn ceisio cystadlu gyda nhw yn uniongyrchol trwy ddosbarthu llythyron.

“Siomedig”

Mae’r Post Brenhinol wedi dweud y byddan nhw’n apelio yn erbyn penderfyniad Ofcom, gan honni nad oedd y newidiadau mewn pris wedi eu gweithredu mewn gwirionedd.

Meddai’r cwmni mewn datganiad: “Mae’r Post Brenhinol yn hynod o siomedig â phenderfyniad Ofcom i orfodi dirwy o £50 miliwn.

“Rydym yn dadlau’n gryf yn erbyn unrhyw awgrym ein bod wedi gweithredu mewn modd sydd yn groes i’r ddeddf cystadleuaeth. Mae’r penderfyniad yn sylfaenol wallus.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed