Siawns am ddim cytundeb “yn cynyddu o ddydd i ddydd”

Diweddarwyd  

Llun parth cyhoeddus

Mae’r tebygolrwydd y bydd y Deyrnas Unedig yn gadael yr Undeb Ewropeaidd “yn cynyddu o ddydd i ddydd”, yn ôl Ysgrifennydd Tramor llywodraeth Prydain, Jeremy Hunt.

Daw ei sylwadau wrth iddo gynnal trafodaethau gyda gweinidogion yn Ffrainc ac Awstria.

Yn y cyfamser, mae’r Prif Weinidog, Theresa May, yn cynnal trafodaethau gydag Arlywydd Ffrainc, Emmanuel Macron.

Mae’r cyfarfodydd hyn yn ymgais gan Lywodraeth Prydain i ennill cefnogaeth gan arweinwyr Ewrop, wrth i’r dyddiad cau ar gyfer gadael yr Undeb Ewropeaidd agosáu.

Rhybudd i Ewrop

“Mae’r tebygolrwydd o ddim cytundeb yn cynyddu o ddydd i ddydd hyd nes y byddwn nin gweld newid yn agwedd y Comisiwn Ewropeaidd sy’n credu bod angen aros tan bo’r Deyrnas Unedig yn ildio,” meddai Jeremy Hunt

“Mae yna siawns go dda y bydd dim cytundeb trwy ddamwain.

“Mae pob un yn meddwl, ‘na, na, na, wnaiff hynny ddim digwydd’. Wel, mewn gwirionedd, fe all ddigwydd.”

“Mae angen i Ffrainc a’r Almaen anfon neges gref i’r Comisiwn bod angen inni drafod canlyniad pragmataidd a doeth a fydd yn amddiffyn swyddi ar ddwy ochr i’r sianel.

“Oblegid, am bob swydd sy’n cael ei cholli yn y Deyrnas Unedig, fe fydd yna swyddi’n mynd yn Ewrop hefyd os bydd Brexit yn mynd yn anghywir.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed