Novichok a phersawr: ymchwiliad Amesbury yn parhau

 

Novichok

Llun: CC0

Bydd swyddogion heddlu sy’n ymchwilio i’r achos o wenwyno yn defnyddio Novichok, yn ymweld â siop bersawr heddiw (dydd Iau, Gorffennaf 26).

Y gred ydi mai o botel bersawr y daeth y gwenwyn, ac felly bydd plismyn yn ymweld â siop Boots yn Amesbury gan obeithio datgelu rhagor am yr achos.

Cafodd Charlie Rowley, 45, a’i bartner, Dawn Sturgess, 44, eu gwenwyno fis diwetha’, a bu farw’r ddynes ddechrau Gorffennaf.

Bellach mae Charlie Rowley wedi cael ei rhyddhau o’r ysbyty, ac wedi datgelu rhagor am y botel bersawr.

Roedd y dyn wedi rhoi’r botel bersawr yn anrheg i’w bartner, ac mewn cyfweliad ag ITV mae wedi datgelu bod y ddynes wedi chwistrellu’r ‘persawr’ drosti.

“Mae gen i atgof ohoni’n chwistrellu’r [cynnwys y botel] dros ei arddyrnau, a’n eu rhwbio â’i gilydd,” meddai. “Dw i’n cymryd mai dyna sut aeth hi’n sâl.

“Ges i’r [‘persawr’] drosta i pan wnes i sarnu peth ar fy nwylo ar ddamwain. Ond, mi olchais hynna i ffwrdd dan y tap.”

Salisbury a’r Rwsiaid

Daw’r ymchwiliad diweddara’ yma yn dilyn achos tebyg o wenwyno Novichok yn Salisbury, lle cafodd cyn-ysbïwr Rwsiaidd a’i ferch eu gwenwyno.

Mae Llywodraeth y Deyrnas Unedig wedi beio Rwsia am yr ymosodiad hwnnw, ac mae heddlu’n credu bod yna gysylltiad ag achos Amesbury.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed