Boris Johnson yn galw am greu “Prydain fyd-eang”

 

Boris Johnson

Llun: Arlywyddiaeth Estonia CC 2.0 trwy Gomin Wicimedia

Mae cyn-Ysgrifennydd Tramor San Steffan, Boris Johnson wedi galw am “Brydain fyd-eang” ac am gefnu ar gynlluniau “diflas” ar gyfer perthynas agos â’r Undeb Ewropeaidd ar ôl Brexit.

Wrth annerch Tŷ’r Cyffredin heddiw yn dilyn ei ymddiswyddiad ddydd Llun diwethaf, wnaeth Boris Johnson ddim crybwyll herio Theresa May fel Prif Weinidog nac fel arweinydd y Ceidwadwyr.

Ond fe laddodd ar y cynlluniau Brexit a gafodd eu hamlinellu mewn Papur Gwyn yr wythnos ddiwethaf, gan ddweud eu bod yn cyfateb i “Brexit mewn enw yn unig”.

Ac fe ategodd yr alwad am adael yr undeb tollau a’r farchnad sengl yn gyfangwbl, ac am geisio cytundebau masnach yng ngweddill y byd.

‘Hunanamheuaeth’

Fe gyhuddodd Boris Johnson Lywodraeth Prydain o “din-droi” ar y trafodaethau Brexit, gan ddweud bod “cwmwl o hunanamheuaeth” dros Theresa May a’i safbwynt ynghylch yr Undeb Ewropeaidd ers y llynedd.

Mewn datganiad a barodd ddeuddeg munud, dywedodd: “Nid yw’n rhy hwyr i achub Brexit.

“Mae gennym amser yn y trafodaethau hyn. Rydym wedi newid cyfeiriad unwaith a gallwn newid eto.

“Nid methu â chyflwyno achos tros gytundeb masnach rydd o’r math a gafodd ei amlinellu yn Nhŷ Lancaster mo’r broblem. Dydyn ni ddim hyd yn oed wedi trio.

“Rhaid i ni drio nawr oherwydd ni fyddwn yn cael cyfle arall i wneud hyn yn iawn.”

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed