Disgwyl rhagor o brotestio yn erbyn Donald Trump

Diweddarwyd am  
Aelodau o Rwydwaith Cydraddoldeb Menywod Cymru (WEN Cymru) mewn digwyddiad yng nghanol Caerdydd

Aelodau o Rwydwaith Cydraddoldeb Menywod Cymru (WEN Cymru) mewn digwyddiad yng nghanol Caerdydd ddoe, dydd Gwener

Llun oddi ar gyfrif Twitter Rhwydwaith Cydraddoldeb Menywod Cymru (WEN Cymru)

Mae disgwyl rhagor o brotestiadau yn erbyn Donald Trump wrth iddo dreulio deuddydd yn yr Alban ar ddiwedd ei ymweliad dadleuol â Phrydain.

Cyrhaeddodd ei awyren, Air Force One, faes awyr Prestwick yn Glasgow neithiwr, nos Wener, ar gyfer arhosiad preifat yn ei gyrchfan golff enwog, Turnberry.

Wrth i ddegau o filoedd o brotestwyr orymdeithio mewn dinasoedd ledled Prydain ddoe, dywedodd Donald Trump fod y berthynas rhwng America a Phrydain “mor arbennig ag y gallai fod”.

Ar ôl gwneud sylwadau damniol am Theresa May mewn cyfweliad papur newydd, ymddiheurodd i’r Prif Weinidog, gan wadu iddo ei beirniadu a honni mai ‘newyddion ffug’ oedd y stori.

Yn ddiweddarach, fe fu’n cyfarfod y Frenhines yng nghastell Windsor.

Mae disgwyl miloedd o bobl yng Nghaeredin ar gyfer Carnifal o Wrthsefyll yn ardal Meadows o’r ddinas, ac mae protestiadau wedi cael eu trefnu hefyd y tu allan i’r Trump International Golf Links yn Balmedie, Swydd Aberdeen ac yn Turnberry.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?