Marw’r Arglwydd Carrington yn 99 oed

 
Ty'r Arglwyddi

Ty’r Arglwyddi

Llun: UK-Parliment-CC-BY-3.0

Mae teyrngedau wedi’u rhoi i’r cyn-Ysgrifennydd Gwladol, Peter Carrington, a fu farw ddoe (dydd Llun, Gorffennaf 10) yn 99 oed.

Yr Arglwydd Carrington oedd yr aelod olaf o Lywodraeth Winston Churchill ddechrau’r 1950au a oedd yn parhau ar dir y byw.

Mae’n cael ei gofio am ei ymddiswyddiad o Gabinet Margaret Thatcher yn 1982 ar ôl cymryd y bai am gychwyn Rhyfel y Malfinas.

Cyn hynny, fe gadeiriodd y trafodaethau yn Lancester House yn 1979 a arweiniodd at greu Zimbabwe.

Bu hefyd yn Ysgrifennydd Cyffredinol y corff rhyngwladol, NATO, rhwng 1984 a 1988.

“Dyn hyfryd”

Wrth ymateb i’r cyhoeddiad am ei farwolaeth, mae Prif Weinidog Prydain, Theresa May, wedi dweud bod hyn yn “newyddion trist iawn”.

Mae David Liddington, y Gweinidog dros Swyddfa’r Cabinet ac sy’n cynrychioli’r ardal lle roedd yr Arglwydd Carrington yn byw, wedi talu teyrnged i “yrfa a gafodd ei roi i wasanaeth cyhoeddus”.

Yn ôl y cyn-Brif Weinidog, David Cameron, roedd yr Arglwydd Carrington yn “ddyn hyfryd” ac yn “was cyhoeddus arbennig”.

Cyd-ddigwyddiad

Bu farw’r Arglwydd Carrington ar yr un diwrnod yr ymddiswyddodd Boris Johnson o’i swydd yn Ysgrifennydd Tramor a David Davis o fod yn Ysgrifennydd Brexit.

Dyma’r tro cynta’ i ddau aelod o’r cabinet ymddiswyddo o fewn yr un diwrnod ers 1982 – pan ymddiswyddodd yr Arglwydd Carrington a Humphrey Atkins.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?