Ceryddu “ymddygiad hurt” cefnogwyr pêl-droed Lloegr

Diweddarwyd  

Mae corff heddlu wedi beirniadu cefnogwyr pêl-droed Lloegr am eu “hymddygiad hurt”, wrth ddathlu buddugoliaeth yn erbyn Sweden dros y penwythnos.

Fe dderbyniodd lluoedd dros Glawdd Offa gannoedd o alwadau 999 yn sgil y gêm wyth olaf Cwpan y Byd, yn bennaf oherwydd achosion o’r hyn sy’n cael ei alw’n “anhrefn feddwol”.

Yn ôl Cyngor Cenedlaethol Penaethiaid yr Heddlu (NPCC), bu’n rhaid i swyddogion ddelio â 387 achos a oedd yn gysylltiedig â phêl-droed.

Ers i’r gystadleuaeth ddechrau mae 1,086 o’r achosion yma wedi’u cofnodi, a 230 o bobol wedi’u harestio.   

“Dim esgus”

“Does dim esgus am yr ymddygiad hurt yma,” meddai cynrychiolydd yr NPCC ar faterion pêl-droed, Mark Roberts. “Mae yna ddigon o bwysau ar y gwasanaethau brys yn barod.

“Rydym eisiau i bobol ddathlu a mwynhau eu hunain, ond nid ar draul cefnogwyr sy’n parchu’r gyfraith. Ac nid ar draul adnoddau’r gwasanaethau brys.”

Mae’r Dirprwy Prif Gwnstabl yn mynnu bod ymddygiad cefnogwyr Lloegr yn Rwsia wedi bod yn “hollol wahanol”.

Enghreifftiau o’r achosion

  • Ambiwlans yn cael ei ddifrodi ger Pont Llundain
  • Dyn yn difrodi to bws deulawr yn Clapham
  • Anrhefn ar strydoedd Northampton
  • Pobol yn dringo ar doeon bysys yn Southampton

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed