Dwy o wleidyddion o Gymru’n gadael mainc flaen Llafur

Diweddarwyd am  

Mae dwy Aelod Seneddol o Gymru wedi gadael mainc flaen Llafur neithiwr, a hynny er mwyn pledleisio o blaid aros ym marchnad sengl yr Undeb Ewropeaidd.

Mi gyhoeddodd yr aelod dros Gŵyr, Tonia Antoniazzi, a’r aelod dros Ogledd Caerdydd, Anna McMorrin gyhoeddi ddoe ei bod nhw wedi gadael cabinet yr wrthblaid er mwyn yn erbyn yr arweinyddiaeth mewn pleidlais ar y farchnad sengl.

Roedd Jeremy Corbyn wedi annog Aelodau Seneddol ei blaid i atal eu pleidlais, ond fe wnaeth 75 bleidleisio o blaid aros yn Ardal Economaidd Ewrop (EEA) a 15 yn erbyn.

Fe gafodd y cynnig, a gyflwynwyd gan Tŷ’r Arglwyddi ar y Mesur ei Ymadael, ei drechu yn Nhy’r Cyffredin o 327 pleidlais i 126.

Brwydro yn erbyn Brexit

Wrth gyhoeddi ei hymddiswyddiad, fe ddywedodd Tonia Antoniazzi bod angen cadw “perthynas glos” gyda’r Undeb Ewropeaidd.

Mae hyn, meddai, yn enwedig yng ngoleuni’r hyn sydd wedi digwydd yn ei hetholaeth yn ddiweddar, gan gynnwys dim morlyn na thrydaneiddio’r rheilffyrdd i Abertawe, ynghyd ag 800 o swyddi’n cael eu colli yn Virgin Media.

“Mi ddywedais yn glir yn ystod yr etholiad yn 2017 y byddaf yn parchu dymuniad y bobol hynny sydd o blaid gadael yr Undeb Ewropeaidd, ond dw i ddim am gefnogi Brexit ar unrhyw gost,” meddai.

Dywedodd Anna McMorrin wedyn bod yn rhan fwyaf o’i hetholwyr hi wedi pleidleisio o blaid aros yn yr Undeb Ewropeaidd, a’i bod hi wedi “addo” rhoi eu hanghenion nhw yn gyntaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?