Cynllun mabwysiadu ciosg yn “llwyddiant” yn ôl BT

 

Mae’r cwmni ffonau, BT, yn dweud bod y cynllun i roi hen giosgs coch yng ngofal cymunedau lleol wedi bod yn “llwyddiant anferthol”.

Fe gafodd y cynllun, ‘Mabwysiadu ciosg’, ei sefydlu yn 2008 fel modd i gymunedau gadw’r cisogs coch traddodiadol a oedd yn arfer cael eu defnyddio’n helaeth cyn dyfodiad ffonau symudol.

Mae’r ciosgs ar gael i bobol leol am y swm o £1, a dim ond yn ddiweddar fe gafodd y pum milfed ciosg ei werthu yn sir Dyfnaint.

Yn ôl BT, mae’r ciosgs wedi cael eu trawsnewid i nifer o wahanol bethau, gan gynnwys llyfrgell, canolfan wybodaeth, clwb nos a man i gadw diffibriliwr.

Adfer y ciosg coch

“Gyda’r defnydd o ffonau talu wedi dirywio mwy na 90% yn ystod y degawd diwethaf, does dim angen cymaint o giosgau sy’n cynnwys ffonau talu,” meddai llefarydd ar ran BT.

“Ond mae pentrefi a threfi ledled gwledydd Prydain wedi bod yn awyddus i’w cadw, oherwydd bod y ciosgs coch yn rhan greiddiol o’r gymuned leol.”

Yn ôl ystadegau BT, mae tua 5,500 o giosgs coch sy’n dal i gael eu defnyddio i gadw ffonau talu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed