Llefarydd Tŷ’r Cyffredin: dim ymchwiliad i honiadau o regi a galw enwau

Diweddarwyd am  
Llefarydd y ty yn gwenu ac yn eistedd wrth ffenest yn San Steffan

John Bercow, Llefarydd Ty’r Cyffredin

Llun: Swyddfa John Bercow, CC 3.0 trwy Commons Wikimedia

Ni fydd ymchwiliad i honiadau bod Llefarydd Tŷ’r Cyffredin, Jon Bercow, wedi rhegi a galw enwau yn ystod dadl yn y siambr fis diwetha’.

Yn dilyn dadl danllyd yn Nhŷ’r Cyffredin ar Fai 16, fe gafodd cwyn ei chyflwyno i’r Comisiynydd Safonau Seneddol fod y Llefarydd wedi rhegi a galw Arweinydd y Tŷ, Andrea Leadsom, yn “ddynes wirion”.

Ond mae’r Comisiynydd wedi ymateb trwy ddweud na fydd ymchwiliad yn cael ei gynnal, a hynny am fod rheolau’r Tŷ’r Cyffredin yn nodi mai “mater i’r Llefarydd” yw’r hyn sy’n digwydd o fewn y siambr.

Y cefndir

Yn dilyn y ffrae a gododd o’r ddadl ar Fai 16, ymateb Jon Bercow oedd ei fod wedi defnyddio’r gair “gwirion”, a hynny wrth fynegi ei rwystredigaeth at y Llywodraeth a dorrodd yn fyr ddadl ar dân Tŵr Grenfell.

Ond gwrthododd ymddiheuro am y sylw, gan ychwanegu y byddai’n “parhau i godi llais” am faterion sydd o ddiddordeb i’r siambr.

Fe ddaeth yr honiadau yn ei erbyn ddiwrnod ar ôl i ASau benderfynu peidio â chynnal ymchwiliad i honiadau bod y Llefarydd wedi bwlio dau o’i gyn-ysgrifenyddion preifat, Angus Sinclair a Kate Emms.

Ond mae Heddlu Metropolitan Llundain wedi cadarnhau eu bod nhw ar hyn o bryd yn “asesu” honiad yn erbyn y Llefarydd o gamymddwyn mewn swydd gyhoeddus.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed