Adroddiad yr SNP “yn chwa o awyr iach” ar ôl “celwyddau Brexit”

Diweddarwyd am  
Nicola Sturgeon

Nicola Sturgeon

Llun: Kenneth Halley CC SA 4.0

Mae adroddiad Comisiwn Twf yn “chwa o awyr iach” ar ôl “celwyddau Brexit”, yn ôl Prif Weinidog yr Alban ac arweinydd yr SNP, Nicola Sturgeon.

Cafodd y ddogfen ei llunio mewn ymgais i aildanio’r ddadl am annibyniaeth, ac mae’n gwneud 30 o argymhellion economaidd.

Y gobaith yw cyflwyno rhai ohonyn nhw cyn ceisio am annibyniaeth.

Dywed Nicola Sturgeon mai’r her i bawb yw ystyried sut i wella economi’r wlad.

Mae’r gwrthbleidiau wedi beirniadu’r adroddiad, ac arweinydd y Ceidwadwyr, Ruth Davidson yn dweud ei fod yn “gambl”.

Argymhellion

Ymhlith yr argymhellion yn yr adroddiad mae torri diffyg ariannol y wlad o fan cychwyn o 5.9% wrth adael y Deyrnas Unedig i lai na 3%.

Byddai’r Alban annibynnol yn gwneud cyfraniad ariannol i dalu am ei rhan yn nyled y Deyrnas Unedig.

Gallai’r Alban hefyd gadw’r bunt am gyfnod ar ôl mynd yn annibynnol, meddai’r adroddiad, ond y bwriad yw cyflwyno arian newydd ar ôl bodloni chwe phrawf economaidd.

Ym mhapur newydd The Scotsman, dywed Nicola Sturgeon fod yr adroddiad yn “chwa o awyr iach o’i gymharu â chelwyddau’r Brecsitwyr”.

Dywed fod yr adroddiad yn cynnwys “argymhellion beiddgar a allai helpu i lywio manteision ein hadnoddau naturiol”.

Ychwanega fod cynnig taliadau i’r Deyrnas Unedig yn “gam ymlaen” o refferendwm annibyniaeth 2014 ac yn ffordd o gynnal perthynas yr Alban gyda’r gwledydd eraill ar ôl sicrhau annibyniaeth.

Mae’n gale ar i’r pleidiau eraill amlinellu eu gweledigaeth nhw ar gyfer y dyfodol.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed