Dechrau dadl o’r newydd am annibyniaeth i’r Alban

Diweddarwyd  
Nicola Sturgeon o flaen darllenfa a dau feic

Nicola Sturgeon

Llun: Vimeo trwy Commons Wikimedia

Fe fydd Prif Weinidog yr Alban, Nicola Sturgeon yn tanio dadl newydd am annibyniaeth yr wythnos hon wrth i gomisiwn twf economaidd gyhoeddi adroddiad.

Dywedodd y byddai’r adroddiad yn gyfle am ddadl newydd yn seiliedig ar “uchelgais a gobaith”.

Cafodd y comisiwn ei sefydlu yn 2016 i edrych ar opsiynau ariannol amrywiol ar gyfer Alban annibynnol, ac fe fydd yn cyflwyno nifer o argymhellion, gan gynnwys manteision ariannol bod yn wlad annibynnol.

Mae lle i gredu y gallai’r comisiwn argymell creu arian unigryw i’r Alban.

‘Amseru’

Wrth siarad â rhaglen Peston on Sunday ITV, dywedodd Nicola Sturgeon y byddai ei llywodraeth yn gwneud penderfyniad ar refferendwm annibyniaeth newydd ar ôl i fater Brecsit gael ei ddatrys.

“Wna i ddim dweud mwy am hynny cyn i’r foment godi. Ond wrth gwrs, dros yr wythnosau nesaf, byddwn ni, am wn i, yn ailddechrau dadl ynghylch pam fod annibyniaeth i’r Alban yn gyfle, a beth yw’r cyfleoedd hynny.”

Dywedodd fod rhaid ystyried “sut i ymdopi â difrod Brecsit”, ond y dylai refferendwm newydd fod yn seiliedig ar “uchelgais a gobaith, ac nid ar anobaith”.

Dywedodd na fyddai’r SNP yn atal ail refferendwm ar gynnwys cytundeb Brecsit – mae Senedd yr Alban eisoes wedi gwrthod rhoi caniatâd i basio’r Bil Ymadael fel ag y mae ar hyn o bryd.

Mae’r holl bleidiau eraill wedi wfftio cynlluniau a sylwadau Nicola Sturgeon.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?