Mae dyn 24 oed wedi cael ei drywanu i farwolaeth yn nwyrain Llundain, meddai’r Heddlu Metropolitan.
Daeth yr heddlu o hyd i’r dyn wedi’i anafu ar ôl cael eu galw i Heol Crows yn Barking am 11.30yh nos Iau.
Er iddo gael cymorth cyntaf gan swyddogion cyn i’r parafeddygon gyrraedd, bu farw’r dyn yn y fan a’r lle.
Dywed Scotland Yard nad oes unrhyw un wedi cael eu harestio mewn cysylltiad â’r digwyddiad neithiwr hyd yn hyn. Mae teulu’r dyn wedi cael gwybod am ei farwolaeth, meddai’r heddlu.
Mae Heddlu Metropolitan yn ymchwilio i fwy na 60 o lofruddiaethau hyd yn hyn eleni sydd wedi codi pryderon am y cynnydd yn nifer y troseddau treisgar yn y brifddinas.
