Galw am gydweithio i wrthwynebu “Brexit caled”

Diweddarwyd am  

David Miliband

Llun: Fforwm Economaidd y Byd, Comins Wicimedia, CC BY-SA 2.0

Mae’r cyn-Ysgrifennydd Tramor, David Miliband, wedi annog Aelodau Seneddol o bob plaid i gydweithio a gwrthwynebu “Brexit caled”.

“Dw i’n credu bod angen i bobol  ddod at ei gilydd, wrth wynebu tynged posib y Deyrnas Unedig,” meddai mewn cyfweliad ar raglen Today BBC Radio 4.

“Mae’n bosib iawn y cawn ni Brexit caled, ac yn waeth na hynny, mae’n edrych yn fwy tebygol y byddwn yn gadael yr Undeb Ewropeaidd heb gytundeb.”

Yn ogystal, mae’r cyn-weinidog Llafur wedi cyhuddo gwleidyddion sy’n frwd o blaid gadael yr Undeb Ewropeaidd, o “beryglu” gwledydd Prydain.

Bydd David Miliband – sydd bellach yn bennaeth ar asiantaeth dyngarol y Pwyllgor Achub Rhyngwladol – yn ymgyrchu â’r cyn-Ddirprwy Brif Weinidog, Nick Clegg, a chadeirydd Pwyllgor y Trysorlys Nicky Morgan o’r Blaid Geidwadol.

Mae David Miliband wedi gwadu ei fod yn bwriadu sefydlu grwp newydd i ymgyrchu ar y mater.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd