Hwb i ymchwil canser yr ymennydd

 

Tessa Jowell yn ei dyddiau yn llywodraeth Tony Blair

Llun: Willwal CC SA 4.0 trwy Commons Wicimedia

Mae ymchwil i ganser yr ymennydd wedi cael hwb yn dilyn marwolaeth y Fonesig Tessa Jowell ddydd Sadwrn.

Daeth y buddsoddiad ychwanegol gan y Llywodraeth ar ôl i’r cyn-Aelod Seneddol Llafur ymgyrchu am ragor o adnoddau i fynd i’r afael a’r clefyd a mynediad at driniaethau newydd.

Fe fydd yr arian tuag at ymchwil i ganser yr ymennydd – Tessa Jowell Brain Cancer Research Mission – yn cael ei ddyblu i £40 miliwn dros y pum mlynedd nesaf.

Roedd Tessa Jowell, 70 oed, wedi gwneud y cais yn ystod cyfarfod a’r Prif Weinidog Theresa May a’r Ysgrifennydd Iechyd Jeremy Hunt yn Downing Street ym mis Chwefror.

Dywedodd Theresa May bod Tessa Jowell wedi “wynebu ei salwch gydag urddas a dewrder” a’i bod yn gobeithio bod y camau sy’n cael eu cymryd nawr yn helpu miloedd o deuluoedd eraill.

Cafodd y Fonesig Tessa Jowell waedlif ar yr ymennydd ddydd Gwener a bu farw ddydd Sadwrn (Mai 12) ar ôl bod mewn coma. Cafodd hi wybod y llynedd bod ganddi diwmor ar ei hymennydd.

Yn gyn-Weinidog Diwylliant yn San Steffan, roedd hi’n flaenllaw yn yr ymgyrch i ddenu’r Gemau Olympaidd i Lundain yn 2012.

 

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd