Centrica yn dal i golli cwsmeriaid

 

Nwy Prydain

Llun: Gwefan Nwy Prydain

Mae Centrica, perchennog British Gas wedi colli mwy na 100,000 o gwsmeriaid yn ystod pedwar mis cynta’r flwyddyn.

Daw hyn wrth i gystadleuaeth o fewn y farchnad arwain at nifer o gwsmeriaid yn gadael y cwmnïau ynni mwy.

Datgelodd Centrica ei fod wedi colli cyfanswm o 110,000 o gwsmeriaid yn y Deyrnas Unedig yn y cyfnod yma gan roi’r bai ar y cynnydd mewn cystadleuaeth.

Serch hynny, roedd y cwmni wedi gweld cynnydd yn y galw am ynni oherwydd y tywydd oerach nag arfer ym mis Chwefror a Mawrth.

Dywedodd pennaeth Centrica, Iain Conn, bod “2018 wedi dechrau’n dda ar y cyfan a bod perfformiad ariannol yn y flwyddyn wedi bod yn dda er gwaetha’r cynnydd mewn cystadleuaeth yn ein marchnadoedd.”

Yn gynharach eleni, dywedodd Centrica y byddai’n cael gwared a 4,000 o swyddi fel rhan o’i gynllun ail-strwythuro yn dilyn gostyngiad o 17% yn ei elw blynyddol.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd