‘All Ken Livingstone ddim aros yn y Blaid Lafur’

 
Ken Livingstone

Ken Livingstone

Llun: Flickr

Mae twrnai cyffredinol cysgodol Llafur, Shami Chakrabarti wedi dweud na all cyn-Faer Llundain, Ken Livingstone barhau’n aelod o’r Blaid Lafur oherwydd ei sylwadau am Seioniaeth a Hitler.

Dywedodd ei fod e wedi dwyn cywilydd ar y blaid, a bod angen iddyn nhw ymddiheuro wrth y gymuned Iddewig.

Mae Ken Livingstone wedi’i ddiarddel o’r blaid ar ôl dweud bod Adolf Hitler yn cefnogi Seioniaeth yn y 1930au, ac mae’n dweud y bydd yn gwrthwynebu unrhyw ymgais i’w wahardd yn barhaol.

Dywedodd Shami Chakrabarti wrth raglen Sunday Politics y BBC: “Dw i ddim yn credu y gall Ken Livingstone fod yn y Blaid Lafur bellach.

“Allwn ni ddim rhedeg i ffwrdd oddi wrth y ffaith ei fod e wedi ailadrodd sylwadau llidiol iawn.

“Mae cymharu rhywun oedd yn ceisio ffoi oddi wrth y Natsïaid gyda’r Natsïaid eu hunain a gwneud hynny eto ac eto, ac eto ac eto, hyd yn oed pan ydych chi’n gwybod fod hyn wedi achosi’r loes mwyaf a dolur ac embaras i’r blaid, yn hollol annerbyniol yn fy marn i.”

Ychwanegodd ei fod e wedi “dwyn anfri” ar y Blaid Lafur a’i waddol ei hun.

Ond mae Ken Livingstone wedi disgrifio’r driniaeth ohono gan y blaid fel ymgais i’w bardduo.

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed