Galw ar i Alex Salmond gefnu ar raglen RT

Diweddarwyd am  

Alex Salmond

Llun: CC2.0 trwy Gomin Wicimedia

Mae gweddw Alexander Litvinenko wedi galw ar i Alex Salmond gefnu ar ei raglen ar Russia Today.

Bu farw’r Rwsiad yn 2006 ar ôl yfed te oedd yn cynnwys poloniwm, ac mae lle i gredu bod yr ymgais i’w ladd wedi cael ei gymeradwyo gan Arlywydd Rwsia, Vladimir Putin.

Dywedodd Marina Litvinenko wrth y Sunday Herald nad oes modd “esgusodi” ymddangosiadau cyn-Brif Weinidog yr Alban ar y rhaglen.

“Rydych chi’n gwneud hyn oherwydd rydych chi’n credu y gallwch wneud pethau da, yn y lle anghywir. Dydy e ddim yn gweithio.

“Fy neges i yw fy mod yn credu ei fod e’n ddyn y bobol, a gall pawb wneud camgymeriadau, ond rhaid i chi feddwl ddwywaith.

“Gwell fyddai rhoi’r gorau iddi, ond ei benderfyniad ef ei hun yw e.”

Gweithio i’r Rwsiaid

Fe wnaeth Marina Litvinenko gymharu Alex Salmond â chyn-Ganghellor yr Almaen, Gerhard Schroeder, fu’n gweithio i’r cwmni ynni Rwsiaidd Gazprom.

“Yn anffodus, nid yn unig mae gennym ni Schroeder, ond mae gennym ni bobol eraill nawr fel Salmond, sy’n hapus i weithio am arian Rwsiaidd.”

Mae llefarydd ar ran Russia Today wedi mynegi ei gydymdeimlad.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?