Tro pedol ar aros yn Undeb Tollau’r Undeb Ewropeaidd?

Diweddarwyd am  
Llun pen ac ystwydd o Theresa May

Theresa May

Llun: Anika Haas trwy Commons Wikimedia CC2.0

Mae adroddiadau y gallai Theresa May ildio i bwysau seneddol i gadw Prydain mewn undeb tollau gyda’r Undeb Ewropeaidd.

Yn dilyn colli pleidlais yng Nhy’r Arglwyddi ac adroddiadau y bydd nifer o ASau Torïaidd yn pleidleisio o blaid aelodaeth o’r Undeb Tollau, mae lle i gredu y gallai’r Prif Weinidog a’i thîm orfod ailfeddwl ar y pwnc.

Dywedodd ffynhonnell o Downing Street na fyddai Theresa May a’r bobol agosaf ati yn torri eu calonnau pe bai’r Senedd yn gorfodi’r Llywodraeth i weithredu fel hyn.

Byddai tro pedol o’r fath yn boblogaidd gydag arweinwyr busnes ac yn mynd ymhell tuag at ddatrys anawsterau Theresa May wrth ddatrys problemau ffin Gogledd Iwerddon.

Fodd bynnag, byddai symudiad o’r fath yn cythruddo aelodau blaenllaw o’r Cabinet, gyda chred y gallai’r Ysgrifennydd Tramor, Boris Johnson, a’r Ysgrifennydd Masnach Rhyngwladol, Liam Fox, ymddiswyddo.

Yn swyddogol mae’r Llywodraeth yn dal i ddadlau dros adael yr Undeb Tollau.

“Nid yw polisi’r Llywodraeth wedi newid – rydym yn gadael yr Undeb Tollau,” meddai llefarydd ar ran Downing Street.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer