Windrush: galwadau ar Amber Rudd i ymddiswyddo

 
Amber Rudd

Amber Rudd

Llun: Gwefan Amber Rudd

Mae galwadau cynyddol ar yr Ysgrifennydd Cartref Amber Rudd i ymddiswyddo oherwydd y ffordd mae mewnfudwyr o wledydd y Gymanwlad – cenhedlaeth Windrush – wedi cael eu trin.

Dywed ysgrifennydd tramor yr Wrthblaid, Emily Thornbury, fod yr hanesion diweddar am drafferthion pobl sydd wedi treulio’r rhan fwyaf o’u hoes ym Mhrydain yn arwydd o bydredd sy’n treiddio drwy’r llywodraeth.

“Mae pobl wedi marw, pobl wedi colli eu gwaith, colli eu dyfodol,” meddai.

“Allai pethau ddim bod yn waeth, ac eto mae’r Ysgrifennydd Cartref yn meddwl ‘Fe alla’ i ymddiheuro ac fe fydd popeth yn iawn’. Mae hi’n anghywir.

“Dw i’n credu o ddifrif y dylai ymddiswyddo.”

Dywed arweinydd yr SNP yn San Steffan, Ian Blackford, hefyd na all Amber Rudd aros yn ei swydd.

“Mae hi wedi methu yn ei chyfrifoldebau – mae hi wedi dangos y Swyddfa Gartref ar ei fwyaf di-glem a chreulon – a does dim amheuaeth ei bod hi wedi difrodi enw da Prydain,” meddai.

“Mae hi bellach yn bryd i’r Ysgrifennydd Cartref ystyried ei sefyllfa.

“Rhaid i Theresa May hefyd ddangos arweiniad dros y sgandal – mae’n anghredadwy nad oes unrhyw ddiswyddiad nac ymddiswyddiad yn y Swyddfa Gartref.”

Yr un oedd neges Canghellor yr Wrthblaid, John McDonnell:

“Dylai’r Ysgrifennydd Cartref gydnabod ei chyfrifoldebau,” meddai. “Ac yn union fel roedd Theresa May yn galw ar weinidogion i gymryd eu cyfrifoldebau ac ymddiswyddo pan oedd Llafur mewn llywodraeth, dw i’n credu y dylai Amber Rudd fynd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed