Bomio Syria – ‘moesol a chyfreithlon’, meddai Theresa May

Diweddarwyd  
Jremy Corbyn yn areithio yn Nhy'r Cyffredin a Diane Abbott wrth ei ochr

Jeremy Corbyn

Llun: Ty’r Cyffredin

Mae Prif Weinidog Prydain wedi dweud bod yr ymosodiadau bomio ar Syria ddiwedd yr wythnos ddiwetha’ yn “foesol’ ac yn “gyfreithlon”.

Wrth wneud datganiad yn Nhŷ’r Cyffredin, fe ddywedodd Theresa May fod pob llwybr diplomyddol wedi methu a bod y defnydd o arfau cemegol yn gosod y digwyddiadau hyn “ar wahân”.

Ynghynt yn y dydd, roedd y cyn Atwrnai Cyffredinol, John Morris, wedi cefnogi ei safbwynt gan ddweud ei fod yn debyg i benderfyniad tebyg a wnaeth ef adeg rhyfeloedd yr hen Iwgoslafia.

‘Tŷ’r Cyffredin nid Trump’ – Corbyn

Yn ôl y disgwyl, fe fu arweinydd y Blaid Lafur yn codi cwestiynau am yr ymosodiad a methiant y Prif Weinidog i gael pleidlais seneddol ymlaen llaw.

Fe ddylai Theresa May fod yn atebol i aelodau seneddol, meddai Jeremy Corbyn, nid i “fympwyon” Arlywydd yr Unol Daleithiau, Donald Trump.

Fe alwodd am gyfraith newydd – Deddf Pwerau Rhyfel – i’w gwneud yn orfodol i gael cefnogaeth Tŷ’r Cyffredin cyn gweithredu’n filwrol.

Angen edrych eto meddai Clarke

Roedd disgwyl trafodaeth hir a di-flewyn ar dafod wrth i’r ASau gael eu cyfle cynta’ i drafod yr ymosodiadau.

Wrth gefnogi’r ymosodiad ei hun, fe ddywedodd y cyn-Ganghellor Ken Clarke bod angen edrych eto ar rôl Tŷ’r Cyffredin mewn penderfyniadau o’r fath.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd