“Wnawn ni byth dderbyn ffin galed” meddai cyn-Taoiseach

Diweddarwyd am  

Bertie Ahern

Llun: ProhibitOnions at English Wikipedia, CC3.0 trwy Gomin Wicimedia

“Wnawn ni byth dderbyn ffin yno” – dyna yw barn cyn-Taoiseach Iwerddon ar y mater o sefydlu ffin galed rhwng Gogledd a Gweriniaeth Iwerddon yn dilyn Brexit.

Mewn cyfweliad ar raglen Newsnight, dywedodd Bertie Ahern y bydd Brexit yn “drychinebus i Iwerddon” a galwodd ar y Weriniaeth i ddadlau’n “gadarn” â Llywodraeth Prydain tros y mater.

Mynnodd y byddai’n rhaid i unrhyw drefn fasnach newydd fod yn debyg i’r “drefn sydd ohoni”, gan ategu na fydd ffin ffisegol rhwng y Gogledd a’r Weriniaeth.

“Os driwch chi osod un yno, mi fydd pobol – y bobol gyffredin – yn ei thynnu i lawr,” meddai. “Ni fydd angen aros i frawychiaeth wneud hynny.”

“Ansefydlogrwydd”

Daw’r sylwadau wedi i bum cyn-Ysgrifennydd Gwladol tros Ogledd Iwerddon ysgrifennu ym mhapur newydd The Times yn rhybuddio yn erbyn sefydlu ffin galed.

“Ein pryder yw y bydd ail-gyflwyno ffin galed yn creu ansefydlogrwydd a allai fygwth Cytundeb Gwener y Groglith,” medden nhw, gan gyfeirio at y cytundeb “heddwch” rhwng y Gogledd â’r Weriniaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed