Theresa May yn diarddel 23 o ddiplomyddion Rwsia o wledydd Prydain

Diweddarwyd am  
Theresa May

Theresa May

Llun: Jette Carr (CC0)

Mae Theresa May wedi ymateb i ymosodiad ar gyn-ysbïwr yn Salisbury (Caersallog), trwy gyhoeddi y bydd 23 o ddiplomyddion Rwsia yn cael eu diarddel o wledydd Prydain.

Yn ogystal, mi fydd gweinidogion a theulu brenhinol y Deyrnas Unedig yn gwrthod cymryd rhan yng Nghwpan y Byd tros yr haf – digwyddiad sy’n cael ei gynnal gan Rwsia.

Mae’r Prif Weinidog yn honni mai ysbiwyr yw pob un o’r unigolion, ac yn dweud bod ganddyn nhw wythnos i adael. Dyw gwledydd Prydain ddim wedi diarddel cymaint, ers 30 blynedd.

Deunydd o Rwsia cafodd ei ddefnyddio i wenwyno’r cyn-ysbïwr Sergei Skripal a’i ferch Yulia, ac yn ôl Theresa May mae’r Kremlin wedi methu â chynnig esboniad “credadwy” am hynny.

Casgliad

“Yr unig gasgliad gallwn gyrraedd yw bod y wladwriaeth Rwsiaidd wedi cyfrannu at yr ymgais i ladd Mr Skripal a’i ferch,” meddai Theresa May. “Ac at fygwth bywydau dinasyddion Prydeinig.”

“Defnydd anghyfreithlon o rym yw hyn gan y wladwriaeth Rwsiaidd yn erbyn y Deyrnas Unedig.”

Mae llysgenhadaeth Rwsia yn Llundain, wedi ymateb trwy ddweud bod y cam i ddiarddel yn “annerbyniol a does dim modd ei gyfiawnhau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?