Adolygiad Cairncross – y bwriad ydi diogelu’r Wasg yng ngwelydd Prydain

 

Papurau newydd

Llun: Jon S, Flickr, CC BY 2.0 (Wedi’i docio)

Mae’r Ysgrifennydd Diwylliant yn San Steffan, Matt Hancock, yn “hyderus” y bydd adolygiad newydd yn cynnig atebion i helpu’r wasg yng ngwledydd Prydain.

Fe fydd yr adolygiad, sydd wedi’i gomisiynu gan y Llywodraeth, yn cael ei arwain gan Frances Cairncross, gyda phanel o gyn-olygyddion a golygyddion presennol yn ei chynorthwyo.

Nod yr adolygiad, sy’n cael ei alw’n Adolygiad Cairncross, yw ystyried pa gamau sydd angen eu cymryd er mwyn “diogelu dyfodol ein gwasg rydd ac annibynnol,” meddai Ysgrifennydd Diwylliant mewn confensiwn i’r cyfryngau yn Rhydychen.

Mae’r panel yn cynnwys 11 arbenigwr yn y maes, gan gynnwys Polly Curtis, golygydd Huffpost UK; Peter Wright, cyn-olygydd Mail on Sunday; Ashley Highfield, prif weithredwr Johnston Press, ynghyd â Geraldin Allinson, cadeirydd Kent Medi Group.

“Nifer o heriau”

Bydd yr adolygiad ei hun yn canolbwyntio ar adolygu hinsawdd bresennol y farchnad ar gyfer papurau newydd, ynghyd ag ystyried sut fydd pethau yn y dyfodol.

Wrth siarad yn y confensiwn, dywedodd Matt Hancock fod “nifer o heriau” yn wynebu papurau newydd heddiw, megis dirywiad mewn cylchrediad, cwymp mewn elw sy’n deillio o hysbysebion, ar newid ym mhatrwm darllen y cyhoedd.

Wrth ddweud hyn, nododd fod cylchrediad papurau newydd yn y Deyrnas Unedig wedi haneru ers 2001. Ond roedd yn ddigon parod i ganmol rhai fel The Financial Times, Spectator a’r Economist am “ailwampio” eu hunain dros y blynyddoedd.

Er hyn, ychwanegodd fod angen “gweithredu nawr” er mwyn sicrhau bod y llwyddiannau hyn yn digwydd ar draws y diwydiant, a bod gan y wasg y “strwythurau iawn” yn y farchnad i wneud hynny.

Fe alwodd hefyd am fwy o “gydraddoldeb” yn y wasg,  a hynny’n gydraddoldeb o ran rhyw, hil, anabledd a chefndir cymdeithasol.

Mae disgwyl i adroddiad gael ei gyhoeddi o fewn y flwyddyn nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd