Carcharu llanc am daflu asid at bobol ar feiciau modur

Diweddarwyd am  
Carchar

Carchar

Llun: Llywodraeth y Deyrnas Unedig

Mae llanc 17 oed wedi cael ei garcharu am 10 mlynedd a hanner am gynnal cyfres o ymosodiadau lle’r oedd yn taflu asid at bobol ar feiciau modur.

Roedd Derryck John, o Croydon yn ne Llundain, wedi targedu chwe gyrrwr beic modur mewn ymgais i ddwyn eu cerbydau ar Orffennaf 13 y llynedd.

Fe ymddangosodd y llanc yn Llys y Goron Wood Green drwy gyswllt fideo.

Dywedodd y Barnwr Noel Lucas QC bod Derryck John wedi cyflawni “troseddau dybryd iawn” a bod cynnydd mawr wedi bod mewn troseddau o’r fath yn ystod y 12 mis diwethaf.

Roedd y llanc wedi chwistrellu asid i wynebau’r dioddefwyr – mae un dyn wedi colli 30% o’i olwg mewn un llygad yn sgil yr ymosodiad.

Fe lwyddodd Derryck John i ddwyn dau feic modur ac roedd wedi ceisio cymryd pedwar o rai eraill gan eu perchnogion, cyn iddo gael ei arestio tua 3yb ar Orffennaf 14.

Roedd Derryck John wedi pledio’n euog i’r cyhuddiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed