Nifer sydd wedi etifeddu clefyd y galon ddim yn gwybod hynny

 

Llun: CCO

Mae nifer o bobol sy’n dioddef o glefyd y galon yn darganfod bod ganddyn nhw’r cyflwr dim ond ar ôl cael trawiad ar y galon, yn ôl ymchwil newydd.

Mae’r ymchwil, sydd wedi’i gynnal gan Sefydliad Prydeinig y Galon, hefyd yn dangos bod un allan o bob pump o’r rheiny sydd wedi etifeddu’r cyflwr, ddim yn gwybod eu bod nhw’n dioddef ohono nes ar ôl i aelod o’u teulu farw.

Yn ôl yr elusen, maen nhw’n amcangyfrif bod gan tua 620,000 o bobol yn y Deyrnas Unedig enyn sydd yn eu gwneud yn fwy tebygol o naill ai ddatblygu clefyd y galon neu farw’n ifanc.

Mae pob person sydd wedi etifeddu’r cyflwr wedyn gyda siawns o 50% o etifeddu’r union enyn – gyda’r mwyafrif ddim yn ymwybodol o hynny.

Mae’r ffigyrau hefyd yn amcangyfrif bod o leiaf 12 person ifanc o dan 35 oed yn marw o ganlyniad i glefyd y galon bob wythnos yn y Deyrnas Unedig.

Ymgyrch ‘Yn eich Genynnau’

Daw’r ffigyrau fel rhan o ymgyrch gan yr elusen, sef “Yn eich Genynnau”, sydd â’r nod o godi ymwybyddiaeth am sut y gall clefyd y galon gael ei drosglwyddo o genhedlaeth i genhedlaeth.

Ac mae Sefydliad Prydeinig y Galon yn annog pobol i siarad mwy â’u teuluoedd am y mater, gan holi os mai clefyd y galon oedd yn gyfrifol am rai marwolaethau sydyn yn eu teulu.

Maen nhw hefyd yn dweud y dylai profion geneteg gael eu cynnal i’r teulu cyfan unwaith mae un aelod yn darganfod ei fod yn dioddef o’r cyflwr.

Angen “gwella’r ymwybyddiaeth”

“Yn rhy aml, dyw pobol ddim yn ymwybodol o hanes eu teuluoedd, neu dy’n nhw ddim yn ymwybodol bod unrhyw farwolaethau sydyn yn gysylltiedig, o bosib, gyda chlefyd y galon,” meddai Syr Nilesh Samani, Prif Weithredwr Meddygol Sefydliad Prydeinig y Galon.

“Mae angen i ni wella’r ymwybyddiaeth o’r cyflyrau hyn, a sicrhau bod pobol yn cael mynediad cyfartal i brofion geneteg ledled y Deyrnas Unedig.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed