Glanhau traethau gwledydd Prydain o’ch soffa

 
castell tywod

Llun CCO 2

Mae aelodau o’r cyhoedd yn cael eu hannog i helpu gydag ymdrechion i lanhau traethau gwledydd Prydain o wastraff plastig a sbwriel arall – o gysur eu soffas.

Gofynnir i bobl dagio sbwriel y maen nhw’n ei weld mewn delweddau sy’n cael eu cymryd o draethau o gwmpas y wlad, er mwyn helpu i ddysgu rhaglen gyfrifiadurol i adnabod gwastraff yn awtomatig ac adeiladu darlun ar raddfa fawr o’r broblem.

Wrth iddyn nhw lansio’r alwad am help, datgelodd y Gymdeithas Wyddoniaeth Brydeinig a’r elusen The Plastic Tide yr eitemau sbwriel mwyaf cyffredin sydd i’w canfod mewn arolwg o 30 o draethau gwledydd Prydain, gyda rhaffau plastig a darnau rhwyd bach yn cyrraedd brig y rhestr.

Yn yr ail safle oedd plastig neu ddarnau sbwng, sy’n creu tua 29% o’r sbwriel, gyda 7% yn dod o ddeunyddiau lapio bwyd plastig, 5% o fagiau plastig a 4% o boteli plastig.

Mae rhai o’r eitemau mwy anarferol i olchi ar draethau a ddarganfuwyd gan The Plastic Tide yn cynnwys sedd toiled, a chleddyf Lego 20 oed.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed