Pryderon y bydd 70% o oedolion ifanc yn mynd yn ordew

Diweddarwyd am  

Gordewdra

Llun: Cancer Research UK

Bydd y mwyafrif o bobol gafodd eu geni yn yr 1980au ac yng nghanol y 1990au, yn ordew pan fyddan nhw’n cyrraedd eu tridegau hwyr a’u pedwardegau, yn ôl ymchwil.

Mae ymchwil gan elusen Cancer Research UK yn awgrymu y bydd 70% o’r grŵp oedran yma yn ordew pan fyddan nhw rhwng 35 a 44 blwydd oed.

Mae rhagolygon yr elusen wedi’u seilio ar ddata arolwg iechyd, a daw fel rhan o ymgyrch i dynnu sylw at y cysylltiad rhwng gordewdra a chanser.

Yn ôl Cancer Research UK mae yna gysylltiad rhwng gordewdra a 13 gwahanol fath o  ganser gan gynnwys canser y fron, canser y coluddyn a chanser yr aren.

Risg sylweddol

“Gan eithrio ysmygu, gordewdra yw’r prif ffactor sy’n achosi canser yn y Deyrnas Unedig, ond dydy’r rhan fwyaf o bobol ddim yn ymwybodol o’r risg sylweddol,” meddai Alison Cox, Cyfarwyddwr atal canser yr elusen.

“Pe tasai mwy o bobol yn ymwybodol o’r cysylltiad yma, efallai buasai’n helpu achub pobol o bob cenhedlaeth rhag canser.”

 

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed