Theresa May i wynebu her gan ASau dros Ewrop

 
Llun pen ac ystwydd o Theresa May

Theresa May

Llun: Anika Haas trwy Commons Wikimedia CC2.0

Fe allai Theresa May wynebu gwrthryfel yn Nhŷ’r Cyffredin ar fater aros yn yr Undeb Dollau – hyn yn dilyn cyfarfod hir o’r Cabinet i gytuno ar y berthynas gyda’r Undeb Ewropeaidd wedi Brexit.

Cafodd y cyfarfod wyth awr o hyd ei alw yn Chequers, tŷ’r Prif Weinidog yn Swydd Buckingham, er mwyn ceisio cael cefnogaeth y sawl o blaid gadael yr Undeb Ewropeaidd, yn dilyn adroddiadau bod tensiynau yno.

Ond mae Theresa May bellach yn gorfod wynebu her arall gan Aelodau gwrth-Brexit y meinciau cefn.

Mynnodd Anna Soubry, un o’r gwrthryfelwyr blaenaf, fod ganddi gefnogaeth pleidiau eraill i wneud newidiadau i fesur masnach y Llywodraeth a fyddai’n rhoi’r mandad i’r Deyrnas Unedig greu undeb dollau newydd gyda Brwsel ar ôl gadael.

Dywedodd yr Ysgrifennydd Tramor Cysgodol, Emily Thornberry, bod ei phlaid am weld undeb dollau “sydd mwy neu lai fel” yr un bresennol.

Y pynciau trafod yn Chequers oedd trafod effaith Brexit ar y sector modurol, amaethyddiaeth, masnach ddigidol a dyfodol y bartneriaeth economaidd y mae’r Deyrnas Unedig yn ceisio ei chyrraedd gyda’r Undeb Ewropeaidd.

Dau arwe

Mae disgwyl i Theresa May amlinellu ei agenda Brexit mewn araith fawr yr wythnos nesaf yn dilyn cyfarfod o’r Cabinet llawn.

Ddydd Llun, fe fydd arweinydd y Blaid Lafur, Jeremy Corbyn, yn gosod ei stondin yntau ar sut y dylai Brexit weithio.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed