‘Dim newydd, ddim yn deall’ – Kenneth Clarke am Boris

 
Llun agos o wyneb Ken Clarke

Ken Clarke, y cyn-Ganghellor

LLun: Parth Cyhoeddus

Mae un o gefnogwyr Ceidwadol amlyca’r Undeb Ewropeaidd eisoes wedi beirniadu araith ‘fawr’ y Brexitiwr Boris Johnson.

Yn ôl cyn Ganghellor y Trysorlys, Ken Clarke, doedd yna ddim newydd yn yr araith a doedd yr Ysgrifennydd Tramor ddim yn deall y byd modern a chymhlethdod masnach byd-eang.

Fe wnaeth ei sylwadau ar y BBC ar ôl i Boris Johnson bwysleisio na ddylai’r Deyrnas Unedig gadw at reolau masnach yr Undeb ar ôl ei adael.

Roedd yr araith i fod i dawelu pryderon yr Arhoswyr ond roedd hi hefyd yn cadw at y syniad o Brexit caled, gan adael y farchnad sengl a’r undeb tollau a phwysleisio’r angen am wahaniaethau sylfaenol gyda’r Undeb.

‘Gwallgo’

“Fe fydden ni’n wallgo i fynd drwy’r broses o ymddihatru o’r Undeb Ewropeaidd a pheidio â manteisio ar y rhyddid economaidd a ddaw yn ei sgil,” meddai Boris Johnson.

“Os byddwn eisiau hynny, byddwn yn gallu pysgota ein pysgod ein hunain, gwahardd masnach mewn anifeiliaid byw a thaliadau i rai o dirfeddianwyr cyfoethoca’ gwledydd Prydain.”

Dyw’r ymateb ddim wedi bod yn wresog o’r cyfandir chwaith gyda Llysgennad Sweden yn dweud nad oedd yr araith yn gweddu â’r syniad o fasnach rhynwgladol.

Gydag araith yr Ysgrifennydd Tramor yn rhan o frwydr fewnol gyda’r Canghellor, Philip Hammond, sydd eisiau cadw’n agos at yr Undeb, mae Llywydd yr Undeb, Jean C;aud Juncker wedi rhybuddio ei bod yn amser i Lywodraeth y Deyrnas Unedig ddweud beth yw eu telerau.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?