Mary Lou McDonald yn cymryd lle Gerry Adams

Diweddarwyd  

Mary Lou McDonald gyda Gerry Adams pan gafodd ei chadarnhau fel yr unig ymgeisydd i’w olynu fel llywydd Sinn Fein y mis diwethaf

Niall Carson/PA Wire

Mae Mary Lou McDonald wedi cychwyn ar ei swydd fel arweinydd newydd Sinn Fein, wrth i Gerry Adams gamu o’r neilltu wedi dros 30 mlynedd wrth y llyw.

Cafodd yr aelod seneddol dros ganol Dulyn yn senedd y Weriniaeth ei chadarnhau fel arweinydd mewn cynhadledd arbennig o’r blaid yn Nulyn y prynhawn yma.

Yn ei haraith gyntaf, dywedodd fod arni eisiau sicrhau ac ennill refferendwm ar uno Iwerddon.

“Mae arnaf i eisiau ennill hyn gyda pharch, graslonrwydd a haelioni,” meddai.

“Nid pwytho’r gogledd i’r de i greu gwladwriaeth rydd 32 sir yw ein nod. Mae arnom eisiau Iwerddon newydd, lle caiff hawliau eu gwarantu, diwylliannau eu parchu ac amrywiaeth ein hunaniaethau eu cofleidio.

“Nawr yw’r amser am feddwl o’r newydd a syniadau dewr i’n symud ymlaen.”

Bygythiad Brexit

Rhybuddiodd hefyd fod Brexit yn fygythiad gwirioneddol i ffyniant a bywyd economaidd, cymdeithasol a gwleidyddol Iwerddon.

“Mae’n her sylfaenol i 20 mlynedd o gynnydd yr ymdrechwyd yn galed amdano,” meddai.

“Ni ellir gorfodi ffin ar ynys Iwerddon.

“Ni fydd Iwerddon yn fodlon cael ei haberthu ar allor gemau ac antics y Torïaid yn Llundain.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd