Harvey Weinstein: rhagor o honiadau yn ei erbyn

Diweddarwyd am  
Harvey Weinstein

Harvey Weinstein

Llun: David Shankbone CC 3.0 trwy Commons Wikimedia

Mae Heddlu Scotland Yard yn ymchwilio i ddau achos pellach o ymosodiadau rhyw gan y cynhyrchydd ffilmiau Harvey Weinstein.

Mae dynes wedi honni iddo ymosod arni yn Llundain yn 2011, ac mae lle i gredu bod digwyddiad honedig arall y tu allan i wledydd Prydain.

Mae naw o fenywod bellach wedi gwneud honiadau yn ei erbyn, ac yn eu plith mae’r actores Uma Thurman, sy’n honni i Harvey Weinstein ymosod arni yn ei hystafell mewn gwesty adeg cyhoeddi’r ffilm Pulp Fiction yn 1994.

Bellach, mae 14 o honiadau yn ei erbyn, ac mae lle i gredu eu bod yn amrwyio o’r 1980au i 2015.

Dydy’r heddlu ddim wedi cadarnhau enw Harvey Weinstein, ond mae lle i gredu ei fod yn destun Ymchwiliad Kaguyak.

Yr honiadau

Cafodd honiadau yn erbyn Harvey Weinstein eu gwneud am y tro cyntaf fis Hydref y llynedd, pan dderbyniodd Heddlu Glannau Mersi gwyn.

Dywedodd yr actores Lysette Anthony yn ddiweddarach ei bod hi wedi dweud wrth yr heddlu ei bod hi wedi bod yn destun ymosodiad gan Harvey Weinstein yn ei chartref yn Llundain yn y 1980au.

Ar Hydref 31 y llynedd, dywedodd wythfed dynes iddi ddioddef ymosodiad yn Iwerddon, ac mae Heddlu Iwerddon yn ymchwilio.

Mae’r heddlu yn Efrog Newydd a Los Angeles hefyd yn ymchwilio i ragor o honiadau yn ei erbyn.

Mae lle i gredu bod Uma Thurman wedi dioddef ymosodiad, a bod Harvey Weinstein wedi bygwth dinistrio ei gyrfa yn dilyn ail ddigwyddiad.

Mae adroddiadau bod Harvey Weinstein yn ystyried dwyn achos cyfreithiol yn erbyn Uma Thurman yn sgil yr honiadau.

Mae’n gwadu’r holl gyhuddiadau hyd yn hyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed