Tessa Jowell am weld cleifion canser yn cael arbrofi gyda thriniaethau

 

Tessa Jowell yn ei dyddiau yn llywodraeth Tony Blair

Llun: Willwal CC SA 4.0 trwy Commons Wicimedia

Fe ddylai cleifion canser fod yn rhydd i gymryd ambell risg gyda’r driniaeth y maen nhw’n ei dewis, yn ol cyn-weinidog yn llywodraeth Lafur Tony Blair sydd bellach yn ymladd y clefyd.

Mae Tessa Jowell yn dioddef o ganser yr ymennydd, ac wrth siarad yn agored am ei chyflwr, mae wedi galw am fwy o gyfleoedd i gleifion allu dewis bod yn rhan o dreialon ar gyfer triniaethau newydd.

Os nad yw un yn gweithio, meddai, fe ddylai cleifion fod yn rhydd i benderfynu os ydyn nhw am symud ymlaen i’r nesaf.

“Dw i’n benderfynol o aros yn fyw,” meddai, wrth baratoi at draddodi araith i Dy’r Aglwyddi yfory (dydd Iau, Ionwr 25) ar wneud triniaethau newydd ar gael ar y Gwasanaeth Iechyd.

“Mae canser yr ymennydd yn rhywbeth sy’n datblygu’n sydyn,” meddai. “Mae’n rhaid i chi allu dangos fod yna newid yn gyflym iawn… Mae yna dreialon yn digwydd sy’n siwtio’r math yma o ganser, ac fe ddylen nhw fod ar gael am ddim i ni gymryd mantais ohonyn nhw.

“Fe ddylai fod yn risg sy’n rhad ac am ddim. Fe ddylai pawb gael y cyfle i gymryd y risg, os mai dyna maen nhw’n ei ddymuno. Dyna’n union beth hoffwn i allu ei wneud. Dw i’n fodlon cymryd y risg.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd